阿信屋今起三天再推「689折」散貨　林偉駿︰考慮辭任CEO

 CEC國際（0759）旗下零食店759阿信屋由2010年開始極速擴張，目前分店數目超過260間。規模驚人，但去年中期業績卻十分一般，扣除利息融資及稅務前的經營溢利，只有2,052.2萬元，按年大跌32%，純利不足一千萬！面對日圓抽升及逾3億元存貨壓力，759阿信屋老闆林偉駿於4月份一度揚言取消「689折」，並將絕大部分產品統一為「公價」貨 ，買滿40至50元全單享88折 。

不過，事隔兩個月「689折」再度翻生，林偉駿稱由今日開始一連三日(6月17日至19日)推出父親節優惠「689折」，屆時正價貨品低至6折﹑公價貨8折及超抵價9折；另外7月7 日「759阿信六周年」再推出「678折」，其中，超抵價低至8折。林又指每件貨品都有2%至5%的盈利，實行薄利多銷。

「我將阿信屋基石摧毀咗」

對於4月份發表合併價格言論，他直言「處理得好差，啲客鍾意我們有折扣，我將阿信屋基石摧毀咗」。

隨後他更驚爆，因為4月份事件，正物色阿信屋新任CEO（行政總裁）人選，負責零售，自己則考慮退居幕後，專責採購，「4月亂咗陣腳，為呢件事，我正物色人選返嚟代替我，目前已經面試了兩個人選，希望繼任人明白自己理念 ，可以維持薄利多銷政策，最重要唔好咁善變，因為自己變得好快！」