即影即有相紙神奇設計　影完千祈唔好「fing」？

少男少女，朋友圈內總有人有一部即影即有旁身。女嘅同姊妹合照、男嘅影身邊嘅女性朋友。但不少人總愛在即影即有相片彈出後，不斷「fing」相紙，究竟呢個行為有幾錯？

不少年輕人均喜歡用即影即有相機拍照。(Fujifilm instax Hong Kong facebook圖片)

你又「fing」我又「fing」，唔少人影完即影即有，都同朋友一齊落力fing，希望張相快啲顯影，（睇下影得好唔好，使唔使再影過）但咁樣「fing」法，其實係完全無作用！

在等待即影即有相紙顯影時，不宜大力「fing」。(資料圖片)

要知道為何不要「fing」相紙，就先要了解現時即影即有相紙顯影的原理。

相紙背面下方有一凸起的包裝，其實裝載著顯影劑、遮光劑及強鹼。當相片從即影即有相機伸出來時，會經過一個滾輪，滾輪擠壓凸起的包裝，顯影劑、遮光劑及強鹼便會爆出。

相紙下方突起的包裝，裝載著顯影時使用的化學劑。（資料圖片）

「有液體爆出嚟，fing下佢咪啱囉，快啲乾嘛！」咁你就錯了。液體會流至相片中間的夾層，不同化學劑便會同時向上及向下作化學反應。相紙底層的黑色，就是用作防止曝光，尤如黑房一樣。即是說，液體本身就在中間的夾層，「fing」嚟都無用啦。

如果你「fing」得太激烈，分分鐘仲會令到相片內各層移位，影響顯影效果。

影片及資料由《啾啾鞋》授權轉載。