汪明荃手寫tag人大法一日爆紅，不過我認為，阿姐的方法，先係最有料的tag人方法。

大家好我係Cult-Upper Ray，上次同大家講完「On cult」之後，今日想同大講講Tag人的文化，即係「Tag cult」，tag男就叫做「Tag cult him」，tag女就叫做「Tag cult her」，冇錯，就係汪阿姐發明的手寫tag人大法，我本人就非常欣賞阿姐，喺已經好新的新媒體身上，依然玩得出新嘢。

【相關文章】元朗有山手線好出奇？港鐵帶你去埋荷里活、康城、銀座都得！

喺Instagram tag人，最低限度你要記得嗰個人的ID，你都唔係唔知其他人ID有幾古怪，如果唔係tag開人的老江湖的話，都甚難tag中所有人。

【相關文章】港鐵4線故障　其實係苦心提醒港人：上車真係唔容易

但汪阿姐呢個方法，就完全冇呢個問題，加上純手寫字型非常有誠意。反叛絕對唔係年輕人的專利，一個71歲的藝人都仲只係叫阿姐，已經夠晒反叛，而家仲放棄instagram的tag cult，跳出框框自己開發一個新tag cult，各位循規蹈矩聽教聽話的年輕人，你又有冇少少慚愧？

【相關文章】跳躍生命線 萬能key馬德鐘改圖大回顧！　網民：跳躍演技線