台灣地震香港都感受到，作為身經百戰的香港人，如果香港真的有地震，在經歷過山竹和港鐵壞車之後，我們又會如何應對？

↓ ↓ ↓ 點擊睇片 ↓ ↓ ↓

所謂「隔離大地震，香港都有份」但處變不驚的香港人，又怎會因小小風波，而放下手上的工作呢？今天就為大家細數，如果香港有地震的話，我們都一定會繼續做的事。

【1.繼續返工】

所謂「路漫漫其修遠兮，冇人阻到我返工」相信大家都深有同感，不論風吹雨打日曬雨淋，塌樹擋路地鐵壞車，都擋不住香港人返工的熱情。

相關文章：港鐵4線故障　其實係苦心提醒港人：上車真係唔容易

【2.繼續排隊】

所謂「民以食為天，地震都要企埋一邊」你可以震散我的人，震散不了我的心及馬步，黑糖珍珠、榴槤麥旋風，大哥那可是期間限定，好緊要的。

【3.繼續打卡】

所謂「打卡打到中晒毒，一日唔打唔舒服」地震第一件事，當然要拍下地震一刻，再上傳到FB/IG，地震如此大件事，你不說我真的不知道。

相關文章：元朗有山手線好出奇？港鐵帶你去埋荷里活、康城、銀座都得！

【4.繼續歡迎遊客】

所謂「多啲嚟密啲手，最好玩到唔想走」偉大的港珠澳大橋，可以抵抗7級地震，所以香港政府會繼續歡迎親愛的旅客，商店老闆繼續笑臉迎人，東涌依然貨品掃光。

【5.繼續抽水】

所謂「我哋有咩最擅長，抽水抽乾太平洋」不論如何都可以找到抽水位，當然抽得好不好是另一回事，就如我現在在做的事，沒辦法，要繼續返工嘛，沒特別事情我出去工作，再見。

相關文章：【港版哈利波特】黃浩然被推舉扮馬份　最似哈利仔的人竟是...