【內附人情公價】90後IG網紅新娘 溫提親友人情要多、要簽名

撰文:
最後更新日期:

人情何價?近日Whatsapp瘋傳一則90後IG網紅新娘的「溫馨提示」,提醒各位出席的親友,不要因為是Lunch Buffet而少付人情,因為「酒店的Buffet係好貴的」。更指明要收現金而非禮券,最後更提醒親友「人情嘅利是封係要寫低你個名」!

據悉,該IG網紅新娘,經營一打卡Café,WhatsApp瘋傳她向親友發出的「溫馨提示」:

咁講會有啲尷尬,希望你吾(唔)好介意呀

同埋我叫左(咗)好少人,

所有人加埋係 9-10 圍,

所以叫得都是我喜歡的

就係咁既(嘅),

因為聽到有人以為可以吾(唔)洗比人情,

淨係比結婚禮物就得

但以我所知及問過人,去飲係一定比人情

(亦都有結左(咗)婚既(嘅)人講番收過吾(唔)係錢,而係 Coupon)

為免發生呢啲事件,我溫馨提示大家

另外今次既(嘅)愉景灣酒店 buffet 係好貴的

人頭算的(因為有朋友話以為係 lunch buffet 就平好多)

希望大家明白結婚已經要用好多錢,

冇理由要我地每位倒貼幾百蚊架(㗎)嘛

同埋人情既(嘅)利是封係要寫低你個名的

新娘「溫馨提示」引網民熱議

「溫馨提示」WhatsApp 在網路瘋傳,引起不少網民熱議,有網友更批評:「請飲同自費夾錢食飯係兩件事,如果夾錢食lunch 係咪要揀個大家都同意既地方?」、「結婚請飲要賓客畀錢已經無道理,點解要出席仲畀錢替人臉上貼金?既然想好朋友見證喜悅,係咪你出錢請朋友嚟自己婚宴先夠誠意?」

新娘強調「酒店的Buffet係好貴的」, 所以只收現金,謝絕禮券,不然「冇理由要我地每位倒貼幾百蚊」。雖然如新娘所言,「有朋友以為Lunch Buffet就平好多」,究竟Lunch Buffet的婚宴價格是多少?據該酒店2017年的收費詳情,120位用的西式自助餐收費99,880元,平均每位832元。

▼該酒店婚宴收費及菜單參考▼

婚禮顧問:無必要畫公仔畫出腸

曾為不少名人及富商辦婚禮的婚禮顧問歐惠芳回覆《香港01》表示,人情乃「客人畀面嘅情份」,並非入場費和餐券費。她續指, 一般擺酒都是蝕難有賺,蝕少就當賺。 賓客人情屬「開心錢,幫補下」,但切勿當作餐券費。

歐表示,人情多少需考慮不同因素,例如賓客與一對新人的親疏、輩份、擺酒地點等。現在普通屋邨酒樓人情約600元;中價酒樓約800元至1,200元;一般酒店擺酒入門價都要過萬元一圍,賓客付1,000元至1,200元人情屬合理;如去到高級酒店可能要1,500元至2,000元。她又指,既然如短訊中所指親友「唔熟唔請」,大家都會「識做」,如今「畫公仔畫出腸」,顯得不夠得體。

據新婚網站2018年結婚消費調查結果,婚宴人情價中位數多年多年不變。Cocktail Party、中西式午宴人情參考中位數為800元;高級酒樓800元;一般酒店1,000元及高級酒店1,200元。不過人情參考價只供參考,重要的都是心意。

 

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。