【日常旮旯】土炮遊樂　用手作遊戲訴說社區故事

日常，徐疾生活的形態；旮旯，不受注意的角落。「日常旮旯」皆在發掘一個個既遠且近，難以被定調的生活空間。

喺阿棠眼中，成個土瓜灣都係一個DIY遊樂場。遊戲對佢嚟講，唔單止係開開心心，仲可以係傳遞社區故事嘅方式。幾年前，阿棠聯同大班藝術家朋友，開始蒐集社區廢料、回收升級再造，最近仲喺牛棚打造咗一個社區遊樂場，令街坊同小朋友，齊齊邊玩邊改造自己嘅社區。