【反斗車王3】香港動畫師披露Pixar秘聞 連引擎聲都要跟足

撰文:
最後更新日期:

在Pixar工作,似乎係一件夢寐以求的事,亦可能係作為動畫師,其中的一份榮譽。今年暑假Pixar就推出全新作出《反斗車王3》,當中就有位香港動畫師Anthony Wong參與其中。電影公司便找來Anthony做訪問,由林海峰、西瓜等一一發問最想知關於Pixar的二三事。

今集講到車王麥坤面對年紀大,機械壞的問題。

本來受年老困擾,但得到新手訓練員小薑的啟發,又再次振作起來。

其中林海峰最關心Pixar係咪傳聞中的「萬」工出細貨,每件貨都有萬個工序,務求做到盡善盡美。Anthony就話戲中每一分鐘畫面,大約要花6星期時間左右製作,除番勻即係一日只畫到兩、三秒片段,真係秒秒鐘都係心血,都有數得計。

至於賽車場畫面點解畫得咁仔細,Anthony就解釋有賴一班動畫師,親身去到賽車場參觀,還坐上真賽車上兜圈,感受過自然畫出神髓。而電影監製更加要求高到,連引擎聲都要執到正一正,真係落場練車咁嚴格。

車王都有衰老時,面對後浪挑戰唯有再培訓。

阿Jan繼續聲演麥坤,外甥女西瓜就聲演新角色小薑。(《反斗車王3》,7月13日上畫)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。