【復仇者聯盟3】Marvel唔肯公佈預告片 網民:冇得睇我寧願死

撰文:
最後更新日期:

萬眾期待的《復仇者聯盟3:無限之戰》,最近終於釋出首條預告片,但已經過了幾日,網上一直未有得睇,莫非Marvel這麼大一間公司都出現技術問題?Sorry,只係佢哋唔俾你睇。

一張海報睇晒《無限之戰》主要角色人物,隊長的鬍鬚look最搶鏡,但惟獨不見蟻俠,是因為太細我看不見嗎?

於較早前兩個大型動漫展D23和聖地牙哥動漫展,《無限之戰》的預告片已經在會場內播出,不少出席人士也忍唔住做文字描述,但滿以為在動漫展完結後Marvel會將預告片公諸於世,誰知至今也沒有消息,Marvel更多番出手攔截網上的偷拍版,但依然難阻截圖面世;預告片內容和之前文字描述相約,雷神在外太空遇上銀河守護隊,促成復仇者與守護者合作,蜘蛛俠穿上最新戰衣參戰,奇異博士、黑豹、寒冬戰士等也加入,但最驚喜似乎是美國隊長以一臉鬍鬚的滄桑形象出場,與及大奸角魁隆使出像《龍珠》的氣功波攻擊。

但聽完無數的文字描述又冇片睇,作為Marvel粉絲塵世間最痛苦莫過於此,網上大量留言哀求Marvel,話如果冇預告片睇寧願一死,但據知Marvel不想釋出預告片的主要原因,是不想影響11月上映《雷神奇俠3:諸神黃昏》的人氣,不過以Marvel現在的地位,無論播乜都個個爭住睇啦。

Twitter大量網民留言哀求Marvel釋出預告片,有人話寧願死都要睇勁誇。(Twitter截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。