邱彥筒（Marf）早前被指耍大牌缺席主演新戲《寄了一整個春天》謝票活動，她感到非常委屈，其後於IG澄清自己是生病，透露：「缺席謝票是因為身體唔爭氣 ，重感冒再意外導致頸同脊椎都受傷了 要做物理治療」她之後出席活動時，指自己嚴重瞓捩頸。

不過Marf近日已復工謝票，昨日與導演、另一主演陳書昕、張毓軒及團隊連踩多場去謝票。由於電影之前票房麻麻，被戲院Cut場，電影的官方IG昨日就表示：「戲院實在安排唔到更多場次比我地入場同大家謝票，《寄了一整個春天》主創團隊依然好希望趁上映階段到戲院答謝入場支持嘅每一位觀眾🥹」

結果團隊以打游擊方式謝票，甚至不能在場內謝票，只能去戲院外等觀眾散場做分享，而Marf的狀態亦好返好多，有觀眾表示演員們有求必應，即使去到晚間最後一場，亦與觀眾逐一合照，影到凌晨12點先走人，可見團隊相當努力。Marf事後在社交平台分享感受說：「今日七場游擊戰，滿足，充實，好多謝每一位嘅支持 每一句鼓勵。」而就近一、兩日所見，《寄了一整個春天》的討論度比之前高，口碑亦不錯。