NASA出8萬蚊個月請真 ‧ 復仇者保護地球 外星人真係會打到嚟？
撰文：劉健華
出版：更新：
機會嚟喇飛雲！你係咪覺得自己有超自然能力，成日覺得自己眼神可以殺死人，追巴士一定追到，全日淨係食咗兩塊餅都唔見肚餓？正所謂天將降大任於斯人也，你注定要保護地球！呢份工就啱你喇！
唔係講笑，美國太空總署最近請人，唔係科學家唔係太空人，而係「地球守護官」（Planetary Protection Officer），職責就是守護地球！原來NASA有個部門叫「安全守護地球辦公室」，像神盾局一樣一直默默守護人類，誰知最近這個辦公室竟公開請人，主要職務為「避免人類及機器於太空探索任務中遭受外星生物污染」，簡單來說就像《外星生命》和《黑超特警組》的劇情，若有火星的危險生物錯誤被帶到地球，「地球守護官」就要出動消滅外星人，而且年薪有12萬4,406美元，即大約8萬蚊港紙一個月，守護地球仲有糧出！
不是亂噏，美國政府真是在網上請人做「地球守護官」，月薪由8萬港紙起，但淨係聽個職位名已經夠型啦，而且只得一個位咋！（USAJOBS截圖）
你又知地球冇外星人？冇錯，你真係唔知，加入NASA成為「地球守護官」，你就可以知道真相了！
當然不是一個普通小巿民都可以做「地球守護官」，入職條件是擁有超能力……不是，是高學歷，還有危機處理能力：
1. 擁有工程專科學士或以上學歷，並有一年以上與GS-15相等工作經驗；
2. 擁有保護地球相關知識，在複雜環境下能作專業的獨立評估；
3. 擁有規劃及監督不同類型太空計劃的能力；
4. 能夠在極複雜及困難的多邊討論中，盡快促成雙贏方案。
你覺得自己夠不夠資格做保護地球的「復仇者」？還是你平時膠樽也不分類、停車唔熄匙，已經沒有資格保護地球了……
其實NASA最懼怕的，是太空探索會惹來有危險的外星生物入侵，《外星生命》的劇情如果成真，地球就玩完了。