【午夜場】夏天要睇鯊魚片 42年前《大白鯊》究竟點拍?

撰文:
最後更新日期:

夏天梗係要去海灘,去海灘最怕乜嘢?冇人着比堅尼?無厘頭古怪油污?我就最驚鯊魚,就好似鬼咁,未遇過的東西當然最驚,游出海會冇咗隻腳,問你驚唔驚。

大白鯊堪稱電影史最經典怪獸之一,為甚麼是怪獸?普通鯊魚不會咬爛一隻船吧?

每年暑假總有一套鯊魚電影上映,今年的《鯊海47米》講兩姐妹出海入籠睇鯊魚點知個籠斷纜沉入海底,諗起已經標冷汗,但論緊張當然要睇明珠台重播過一萬次、史提芬史匹堡的《大白鯊》(Jaws),作為鯊魚片鼻祖這套42年前的電影已經玩人鯊困獸鬥,唔怕死男配角走入防鯊籠中以為真係可以防鯊,點知大白鯊連鐵籠都撞得爛,唔咬死都嚇死。話說42年前根本未有電腦CG特技,這場面究竟點拍?出海捉條真鯊魚?其實成條大白鯊只係機械模型,但就做到真嘅一樣,但因為當時史匹堡堅持要出海拍攝,搞到機械鯊魚成日壞,最後套戲超支幾百萬美金先拍得成,不過有乜所謂,《大白鯊》全球最後收4億美金,證明史匹堡是真正的大導演囉。

大白鯊究竟點拍?原來史匹堡共造了3隻機械鯊魚,一隻拍左邊一隻拍右邊一隻拍「全相」,但由於他堅持在海中拍,機械鯊經常故障。

你睇當時的史匹堡幾咁靚仔。

雖然套戲超支又超時,但一上映即大排長龍人人爭住睇,「鯊魚片」便一直拍到現在。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。