【戲院禮儀】香港人睇戲品行特別差？ 網民最討厭行徑你有冇做過
撰文：羅偉強
出版：更新：
個個都識唱「唔該熄咗你個電話啦！」的電影禮儀歌，但又有幾多人能守當中的規條呢？在不同的討論區，總不時出現一些post指責香港人在戲院的無禮行為，甚至有指戲院帶給人「彷如家的感覺」，大家都自由奔放，沒有想公眾利益問題，以下幾項戲院的討厭行為，你又中幾個呢？
有時真的要勇敢出聲鬧，如果唔係對方唔識靜。（網上圖片）
討論劇情
先勿論大聲小聲，但當戲院如此靜的時候，小小聲音其實已騷擾到你附近的觀眾。其實大部分觀眾都與你一樣未看過套戲，有疑惑的話友人也未必可以解答你，與其因討論而錯過一些劇情，又滋擾別人，何不完場後才盡情討論呢？
小朋友不懂控制自己，但家長應嘗試教導小朋友看戲時的禮儀，而BB本來就不宜帶進戲院。（網上圖片）
小朋友「冇王管」
小朋友不懂規矩可以理解，但家長有責任處理小朋友的言行，但很多時家長都是放任自己的孩子大聲說話，甚至哭鬧。譬如個人就經歷過有觀眾帶BB去看《波士BB》，其實當中有何意義呢？BB不會看得懂，電影聲效又大聲嚇到哭，結果要整場看你表演哄小孩，你好意思嗎？
教壞小朋友典範，阿叔夜場冇人睇都唔代表你可以咁踩！下一個坐嘅好無辜！小朋友仲要有樣學樣，真係no eyes see！
人肉按摩椅
一些戲院座位前後間的距離比較短，一兩次不小心踢到情有何原，但最怕有人在整個場次，每隔幾分鐘就踢一次，準時過食藥。而每踢一次就令坐前面的出一次氣，整套戲看到火冒三丈！更有些人會長期頂著你的椅背，奉勸大家要出聲制止，有些人真的「唔兇唔鬆化」。
漆黑中嘅電話螢光幕，破壞力就好似死光咁強......
「唔該熄埋個padpad好嗎？光到我就嚟睇唔到嘢㗎啦！」前面座位的觀眾看戲時，拿部iphone出來「篤篤篤」，光芒四射吸引你眼球之餘，漆黑中的光亦使它殺傷力如「死光」般強，光殘殘使你甚麼也不用看了！
邊吃m記邊睇戲，其實真的很擾人！所有濃味食物其實都不應帶進戲院。（網上圖片）
食物香氣影響人，你估睇緊4D咩！
M記，真係多謝哂！其實戲院一般都是食爆谷或熱狗，氣味不會那麼重，即使很餓又嫌戲院食物太貴，要外帶食物的話不如吃件三文治填填肚，待看完戲才舒舒服服地到餐廳吃飯更好吧！聞到個豬柳蛋漢堡，或薯條味，真係好難頂，套戲又唔係講緊麥當勞，想當4D電影都唔得。