葉念琛賀歲片請謝賢出山 《我的情敵女婿》再演賭王大戰劉嘉玲
撰文：胡劍威
出版：更新：
一年容易又新年，2017唔覺唔覺已過了大半，是時候開拍賀歲片了。英皇電影就搶先找來葉念琛準備賀歲電影《我的情敵女婿》，今次更落足本，演員陣容粒粒皆星，早前已公布了會有劉嘉玲及任達華擔正男女主角，影帝影后同場的確非常有叫座力，此外仲有王菀之、阿Bob（林盛斌）、姜皓文等。原本以為已經差唔多，但葉念琛就話未夠，講明戲中會有好多老友客串，日前就加碼請到「四哥」謝賢，出山扮賭王。
葉念琛開拍賀歲電影《我的情敵女婿》，演員陣容強勁。
老闆楊受成親自探班，四哥一見到佢即時情深擁抱。
《我的情敵女婿》早前已開始拍攝，作為賀歲片熱鬧搞笑之餘更唔少得賭博場面，而今次的角色就當真為四哥度身訂造，事關他將演出賭王一角，大家都知四哥演慣「羅四海」，賭兩手對他來說沒難度。而與四哥演對手戲的則是「終極阿寶」女主角劉嘉玲，事後嘉玲亦有在微博分享兩人世紀合照，並留言「永遠的男主角」，大表對四哥的尊敬之情。
至於導演葉念琛對能請到四哥參演則非常開心，並指：「四哥表現好專業，而且好快就同現場工作人員打成一片，成個過程好開心。完成拍攝後，工作人員都爭住同四哥合照。」他相信四哥定能為觀眾帶來驚喜。此外，老闆楊受成前幾日就落場探班，而當日咁啱正在拍四哥的戲份，由於二人相識多年非常老友，一見面就無需多言，即時來個熱情擁抱，兄弟情在心中。
劉嘉玲大讚四哥係「永遠的男主角」！