【多圖慎入】小丑女新造型曝光 演伊莉沙白女王一世嚇親街坊
撰文：何志衡
出版：更新：
瑪歌呢個造型實在太需要時間俾觀眾適應。
瑪歌拍攝期間步出室外與工作人員交談。
在《自殺特攻》飾演小丑女的瑪歌羅比(Margot Robbie)樣靚又演得，早就俘虜一眾觀眾，當大家都期待佢下一部作品有幾美艷性感嘅時候，瑪歌卻扮醜嚇觀眾，佢喺新戲中飾演伊莉沙白女王一世，橙紅色爆炸頭加上面上粒粒，幾乎連樣都唔認得，我唔想相信自己對眼呀！
仲記得《自殺特攻》預告片一出，小丑女已經成為全戲焦點。
瑪歌日前喺倫敦拍攝新片《Mary Queen of Scots》，有粉絲喺Twitter po咗幾張相，見到瑪歌驚嚇新造型，橙紅色嘅攣髮爆炸頭，額頭幾乎剷到上頭頂，臉上則一點點紅色粒粒加上凹凹凸凸嘅皮膚，同小丑女相比反差實在太大，睇慣咗小丑女同埋《華爾街狼人》靚到絕嘅瑪歌又點接受到呢？唔怪得好多網友都話唔敢相信啦！
其實伊莉沙白女王一世呢個角色好多人演過，例如英國女星海倫米蘭（Helen Mirren），同埋喺007電影飾演M嘅茱蒂丹契（Judi Dench）等等，但係造型都似乎比瑪歌順眼囉！
有邊個接受到瑪歌呢個造型？
英國女星海倫米蘭（Helen Mirren）都演過伊莉沙白一世。
茱蒂丹契（Judi Dench）演過較年長嘅伊莉沙白一世。
真正嘅伊莉沙白一世肖像，其實瑪歌個造型都幾似。
畀番啲瑪歌嘅靚相定一定驚先！
+4