【阿拉丁】Will Smith宣布會演燈神 成真人版「藍」神

撰文:
最後更新日期:

可算是香港人最喜歡的黑人男影星韋史密夫(Will Smith),近年似乎少有力作,印象最深可能是在《自殺特攻隊︰超能暴隊》內飾演Deadshot。不過在不久將來,他將會有新經典作,事關日前他在facebook內宣布自己會參演真人版《阿拉丁》,明明男主角一早講明係新晉演員Mena Massoud擔正,點會又關韋叔事呢?原來佢係做燈神,即係全身藍色的Genie,都幾爆!

Will Smith開工第一日,就同眾演員來張selfie高興下。(facebook 圖片)

燈神Genie表情多多,呢方面對Will Smith好有信心。

迪士尼的真人版系列電影,真係叫好又叫座,年頭一套《美女與野獸》更加熱爆全球,與動畫版的神同步更叫人歎為觀止。至於開拍中的就有《阿拉丁》,男主角阿拉丁一角,早就敲定有埃及人血統,加拿大演員Mena Massoud擔正,至於女主角Princess Jasmine就係在電影《Power Rangers︰戰龍覺醒》中飾演粉紅戰士的Naomi Scott,聽聽個陣容,都是好一股青春氣息。

男主角Mena Massoud同阿拉丁係幾似樣,最緊要笑容好睇嘛!

Jasmine公主,就由Naomi Scott飾演。

至於燈神Genie一角,一直都冇諗過會由真人演出,話晒個樣咁得意趣緻,又全身藍色,真人點扮都唔會夠佢可愛啦,加上現行科技先進,一部電腦幾個CG要幾神有幾神,但估唔到最終迪士尼又真係搵人去演,仲要係韋史密夫。至於歹角Jafar就由新一輯《盜墓迷城》內飾演靚佬湯老死,後成為喪屍的Marwan Kenzari。日前韋史密夫高興地在facebook同大家宣布這個消息,正式進入《阿拉丁》劇組開工,又將男女主角視為家人一樣,要介紹俾大家識咁話。所有角色總算塵埃落定,而家能夠做的就係安安靜靜坐好等睇。

Marwan Kenzari演Jafar,在眾選角中係咪最神似係佢呢?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。