【雷神奇俠3】雷神開唔到密碼鎖　最強復仇者原來係Hulk

《雷神奇俠3》本周四（26日）上映，一直以來雷神在Marvel電影入面擔任諧星，而雷神系列的電影亦係笑位最多，加上今次由擅長拍笑片Taika Waititi執導，預期fans入場會看得開心，而在最新的預告片中，電影就玩雷神開唔到密碼鎖笑話，片中雷神入到太空船，但撞啱要講中密碼先開到，睇慣港式笑片的觀眾，應該會明，雷神瘋狂白撞，叫自己名字雷神、雷公，甚至叫最強復仇者都開不到，最後變形俠醫亂入，叫回自己名字班拿就開到，電腦更讀出「歡迎，最強復仇者」，擺明寸變形俠醫勁過雷神。

不過玩聲控密碼鎖這條橋，其實不是新橋，最經典例子是09年電影《2012》，戲中主角 John Cusack搶了一架Bentley房車，想用來和家人逃走，但始終開不到引擎，最後靠坐在車廂中的有錢人即係車主，說了一句「engine start」才可啟動，這一幕笑位當年十分破格，有不少fans亦將這段上載YouTube，只要打「2012 engine ....start」就可以搵到多條片段，雖然《雷神3》重用這條8年前的笑話，但橋不怕舊，最緊要受，加上編劇都有將條橋改少少，所以無傷大雅，況且睇Marvel片都係求開心啫。