【反黑.專訪】宋本中憶《三五成群》28座大王:因為佢要轉做幕後

撰文:
最後更新日期:

因被特約演員公司老闆媚姨領養關係,令宋本中早年已展開其電影生涯,做過無數次臨記,直至遇上《三五成群》廿八座大王一角,神仙B一句「俊?邊X度俊呀?」至今依然是個經典。但對宋本中來說,此電影沒有為他帶來更好的際遇,反而愈做愈灰,到最後索性轉戰幕後。

宋本中說到成名作《三五成群》的28座大王,感觸良多。(江智騫攝)

《三五成群》改編自97年的秀茂坪燒屍案,惜當年上畫時並沒有太大回響,直到近年因戲中大王與神仙B的對白而遭網民炒熱。由於成本有限,所以《三》片除了飾演三叔的李健仁以及社工的陳芷菁外,其餘角色均為新人,而宋本中飾演的大王,原先亦只得兩句對白。「因為成班都係新人,所以導演錢昇瑋句句都叫我講,結果成了現在這個模樣。」新人因不懂做戲所以演出自然,變相令在演戲的宋本中十分突兀。「喺其他人眼中,大王只有暴戾,咁到底是否成功呢?同埋,就算紅,都唔係紅大王好戲,而係嗰句『俊?邊X度俊呀?』」《三》片後,搵上門的,全都是古惑仔角色,完全被定形了,就連拍拖,女友屋企人第一句就係『嘩!你咪燒屍果個。』」

宋本中透露有意開拍《三五成群》的續集,連名都諗埋叫《三五成群之無個好人》,但他目前想專心搞好《反黑》先。(影片截圖)

唔想再演古感仔,宋本中索性轉行幫爸爸打理茶餐廳生意,後來在爸爸的鼓勵下,開始拍獨立短片,展開其幕後生涯。「有一次幫Soler拍紀錄片,當時佢哋嘅經理人問我做咩唔開間公司,成日租器材,條數計落都唔抵。」06年,宋本中與陳國坤在土瓜灣某工廈租了一單位,並成立了「影視兄弟製作公司」,試過無飯開、試過唔識睇合約被人呃。「06年7.1開公司,16年我哋開《反黑》拍7.1回歸,10年就係咁行出嚟,所以唔好放棄,之所以未做到,唔係你唔得,而係未準備好,當你準備好啲嘢就會嚟。」宋本中的際遇,有如《反黑》主題曲《大丈夫》一樣:「男兒一生要經過世上磨練共多少」。

宋本中在《和平飯店》曾與周潤發做手戲。「有一幕我唔小心跌倒,他馬上停機幫我塗藥,我問佢點先可以有更好機會,佢同我講咗兩個字,就係堅持,話做任何事都一定要堅持,亦係呢番說話令我堅持到今日。」

當人人北上時,宋本中其實早在09年也曾北望神州,奈何「古裝又唔識,歷史又唔識,根本接唔到地氣。」直到陳國坤結婚時,席上認識了應采兒,問他有沒有興趣為樂視的《天才在左瘋子在右》執導,他總算賺了人仔,也摸索到國內的模式,為《反黑》打下了基礎。宋本中與陳國坤感覺要好,當年陳國坤靠《李小龍傳奇》打開了國內市場,也不好好帶挈兄弟?「那時大陸的技巧未發展得好好,小龍日日同啲唔識打啲人打,隻手腫到叮噹咁,我哋兩個SKYPE時喊到收唔到聲……」這些情節,明明是情侶之間才會有,現在由宋本中演繹,其實幾好笑。「而家可以笑得出,當時真係好慘,我捱住間公司,佢就日日俾人打。」對於宋本中,陳國坤上次訪問時用了「天才」去形容;對於陳國坤,宋本中細想了一會,然後吐出「如果佢有乜事,我應該係最快跟住佢走,無咗佢我會崩潰,因為佢一直引領我點做人。」毫不掩飾的「表白」,難怪連陳國坤老婆黃伊汶也會妒忌。

宋本中為衝破《滿清禁宮奇案》裸體鏡頭的心理關口,而致電曾領養過他的黃秋生請教。「佢同我講演員就係收得人哋錢,人哋叫你演乜咪演咩囉,唔好諗咁多。」

宋本中辦公桌的後方,一直貼了這張十年前與陳國坤的合照。「公司嗰陣得兩枝燈、兩張檯同兩條傻佬。」(江智騫攝)

與陳國坤成立的影視兄弟製作公司,由06年至今都同在一工廈,由2樓到9樓,7樓的辦公室正在裝修中。對土瓜灣有着情意結,《反黑》有不少場景,也在土瓜灣拍攝。(江智騫攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。