【午夜場】《絕世好B》杜汶澤獻技 Step by Step教你扮劉德華
撰文：許育民
出版：更新：
《絕世好Bra》的班底再聚開續集。(劇照）
講真，套戲比上一集係遜色少少，始終都有續集通病，有點重複前作的成功，又或者過於想跟前作不同，而製造太多無謂的設計。不過今集比較難忘的有趣位，是在於杜汶澤扮劉德華。
扮劉德華行路，真係一絕。（影片截圖）
當年杜汶澤仲未拍《無間道》，大家認識佢只係亞視藝員，或者《嘩嘩嘩打到嚟》的主持，都知佢搞笑，但估唔到演出都咁正。戲中他扮演張栢芝個男友，同佢一齊燒野食，結果惹來古天樂的不滿。而最搞笑係佢突然要表演扮劉德華，每個細節都細心講解，跟足去扮應該真係Work。你仲見到栢芝真係笑到失控，可想而知呢幕好真情流露。