【金馬影2017】影后惠英紅為好角色不計酬勞:只想有機會演戲

撰文:
最後更新日期:

出爐金馬影后惠英紅甫從台灣回港,便出席英皇娛樂為她設置的慶功宴。剛斬獲影后殊榮的紅姐全程眉開眼笑,靚爆心情由台灣帶回香港。

《血觀音》雖然陰暗,但揭示好多社會問題,也為紅姐帶來金馬影后。(劇照)

紅姐認為獎項對演員係認同,拎幾多次都唔會改變佢本質上嘅意義。(陳順禎攝)

今年先後於台灣金馬獎及香港電影金像獎中,分別以《血觀音》及《幸運是我》贏得影后寶座,兩個截然不同的角色在紅姐爐火純青的演技下,均獲得絕對性的認同。計上之前的女配角獎,紅姐成功達成金像金馬所有女性演技獎都拿下的成就,是否已滿足呢?紅姐接受《香港01》訪問時就指:「雖然獎項喺屋企已經好齊全,但唔代表我唔想再攞。始終我覺得一個提名或者獎項係好大嘅鼓勵,我唔係貪心我只係想要一個認可。」相信只要紅姐不言休,演技獎都可以長攞長有,只因她是實至名歸的演技派。

紅姐在頒獎禮時便透露自己用了「非凡手段」,才得到《血觀音》棠夫人這個角色,再細問她過程與原因,她才指原來自己並非首選。「我都係近幾日先知,原來我係好多人之後嘅選擇。但睇劇本時我覺得真係好好,唔係常見嘅題材,同埋我當時已經有預感佢會幫我進入金馬。」紅姐獨具慧眼,預感亦成真!成日話演員係被動,但有時機會還真要自己爭取。不過有時好電影製作費未必夠,紅姐這幾年得獎無數,身價亦自然水漲船高,不過紅姐非常抵得諗。「都會遷就返製作費,希望唔會拉高經費。」最重要還是要有好劇本,片酬很高卻是大爛片,紅姐都未必會接。

《血觀音》為紅姐帶來影后之餘,同時亦留下深刻的回憶。「我從未試過有一套戲,由場記到攝影、燈光都咁有熱誠,我知道佢哋甚至未必攞足酬勞!佢哋亦幫咗我好多,喺台上唔記得多謝佢哋真係要多謝返!」相信《血觀音》台前幕後都收到紅姐的心意。

《血觀音》將於12月7日在香港上映,紅姐亦力sell電影:「雖然好多人會覺得《血觀音》好陰暗,但其實套戲揭發咗好多社會嘅不公平、人性嘅黑暗一面。我覺得我哋唔應該斬腳指避沙蟲,要正面面對。而當初劇本吸引我嘅就係睇到社會呢一面,而唔係粉飾太平。希望觀眾可以入場支持!」紅姐講到咁,有理由不撐嗎?

紅姐珍惜好劇本,極力爭取棠夫人這個角色。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。