【搶紅】黎明自導自演兼自唱 與張涵予搞笑合唱宣傳曲《大寶》

撰文:許育民
出版:更新:

黎明首部執導電影《搶紅》,將於1月18日上映,戲中首次跟張涵予合作,Leon每次同人合作,都會慣性地叫人唱歌,杜汶澤同陳小春都係因為咁而曾經屬Leon旗下,今次被黎明睇中的係張涵予,不單止一齊到法國邊開工邊暢遊,仲叫埋佢開金口合唱電影宣傳曲《大寶》。

呢首《大寶》,聽落同黎明一貫的作品大致不同,風格低死幽默,一開聲仲要係張涵予唱先,那把極磁性聲線,帶俾大家一份驚喜。今次部《搶紅》,由執導到主題曲,都係黎明一手包辦,問到點解心血來潮要做導演。他表示因為之前跟過不少優秀導演合作,累積了很多經驗,到今天能有一個機會拍攝一部自己感興趣的電影,仲搵到一群好好的演員和幕後團隊共同完成這件事,相當高興。

男人的魅力來自工作,男人一旦退休離開工作,就是已經喪失魅力。所以執導中的黎明,就是有型。(《搶紅》劇照)

至於黎明的水準,由Leon自己講就唔多公道,交俾監製黃建新講講︰「他不像第一次當導演,反而較像一個職業導演。在現場要求得非常細緻,甚至每一個畫面都要求做到精緻。」從幕後花絮照可見,黎生無論在鏡頭前或鏡頭後都係一臉認真神情,專心工作的男人,就是型。

如果衛蘭可以肥過部電單車,咁黎明就當然可以跳過部開蓬車。(《搶紅》劇照)

首次執導,當然要求比較高,但以黎明的性格,好肯定當中不乏幽默笑料。據看過電影的朋友說,戲內雖然有大量緊張刺激場面,劇情亦充滿懸疑,不過又不失大放笑彈。而呢種天生的幽默因子,在張涵予和黎明合唱的電影宣傳曲《大寶》,也展現出來。由曲詞到演繹,都相當搞鬼,務求帶給觀眾開心輕鬆感覺。

用手機試一試位,如果最壞也不是太壞的話,GO!(《搶紅》劇照)