【鐵拳道】敖嘉年演拳擊片唔使打？ 「我會被吊起打跛腳坐輪椅」
撰文：許育民
出版：更新：
陳國坤、敖嘉年、林嘉華、劉峻緯等主演的電影《鐵拳道 一個拳手的故事》，日前在土瓜灣一天台進行拍攝。好耐無見的敖嘉年，在戲中會演陳國坤由細玩到大的好兄弟，一次生事卻被仇家吊起自己打跛腳，然後就要坐輪椅，他笑指：「劇組租架吊雞車拍呢幕，好好招呼我。」
敖嘉年和林嘉華正在拍攝新電影《鐵拳道 一個拳手的故事》。（江智騫攝）
嘉年一向有習武，身形都Keep住Fit：「如果而家先嚟練就遲。」（江智騫攝）
一直有習武的嘉年，對演動作場面都有經驗，來到電影《鐵拳道 一個拳手的故事》，都有少量打鬥場面，因為今次個角色以詼諧風趣為主。「我同小龍（陳國坤）演兩兄弟，佢哋啲戲比較沉重，我就負責搞笑居多，不過就因為咁而生事，被人租架吊雞車，吊起我嚟打，仲打跛我隻腳，以後都上唔到擂台。而小龍就要為我報仇，打拳賺錢之餘，仲上擂台爭回尊嚴。」
問到嘉年之後仲有咩忙，原來他一早接了一部舞台劇《阿闍世》，拍完《鐵拳道》就要綵排。「入面有好多歌舞場面，我第一次做舞台劇，未試過背咁多對白，都好緊張。」想知他第一次會演成點？3月公演記得入場睇。
現場還見到熟悉的甘草演員黃文標，標哥而家仍然以演戲工作為主，冇工開就去朋友的海鮮檔揸車送海鮮。「朋友生意幫下手咁啦！」（江智騫攝）