【棟篤特工】黃子華派福利 棟篤笑短片無料放送打孖益大家
撰文：許育民
出版：更新：
好久都有電影出品的黃子華，今年就有部賀歲片《棟篤特工》同大家見面。有見咁耐都冇戲上，子華就想同大家熱下身，今日於網上免費兩部電影短片俾大家欣賞，分別係《旋風腿》及《賀歲片》，每片都有半粒鐘長。
兩條短片其實來自子華舉行兩次棟篤笑時，在開場同間場時播的短片，分別是在2012年《洗燥》播放的《旋風腿》，以及2014年《唔黐線唔正常》播的《賀歲片》。《旋風腿》大家應該都有睇過，其中一句經典對白︰「做人冇公關，食屎喇」你應該記得。至於《賀歲片》就是《旋風腿》的延續，所以要看得明，就要先看上集。
《旋風腿》入面，有劉青雲客串演出。（影片截圖）
兩片今日正式放上YouTube俾大家欣賞，事關子華有見自己今年有套賀歲片《棟篤特工》上畫，剛好在幾年前的棟篤笑裏面拍的短片又係叫《賀歲片》，所以我就想喺《棟篤特工》上映前，送一套小《賀歲片》俾大家睇。
黃子華︰「咁呢一套《賀歲片》你淨係睇佢，係唔會明，要睇埋我上一套叫做《旋風腿》嘅短片，你睇完《旋風腿》就睇呢個小《賀歲片》，再去電影院睇大賀歲片《棟篤特工》，你新年就有三套戲睇啦，希望大家捧吓場，依家先嚟呢套小《賀歲片》或者《pre賀歲片之賀歲片》。」明明要買飛入場睇棟篤笑的兩條短片，而家全線無料放送，呢番心意要支持啦！