【西遊記女兒國】梁詠琪戲中變M字額醜女 「我一早冇偶像包袱」
撰文：林迅景
出版：更新：
《西遊記女兒國》於今年2月農曆新年上映，雖然題材甚有「炒冷飯」的味道，亦屬西遊系列的第三集。不過，今次化妝以至特效亦比頭兩集也更為「揼本」。飾演女兒國國師的梁詠琪（Gigi）更一改以往型象變成超高M字額醜女，直頭是拋棄了她的女神形像。
梁詠琪（Gigi）在《女兒國》入面要放低靚女造型，真係辛苦晒啦。（林迅景 攝）
梁詠琪（Gigi）今次變咗M額國師，睇poster同預告片真係差啲認唔到佢。（劇照）
梁詠琪（Gigi）接受《香港01》訪問時說：「我一早已經冇咗偶像包袱，今時今日仲有偶像包袱做得㗎！其實我睇完個劇本，覺得個角色真係需要做呢個特技化妝。（記︰咁你自己鍾唔鍾意呢個M額造型？）我唔會想做多次，因為好辛苦。我覺得唔係靚唔靚嘅問題而係個過程好辛苦。每次都要花5個鐘頭時間去化妝梳頭。因為我黐咗個假額頭，個接駁位喺眼皮到耳仔度。如果你問我，我就唔會想再做多次。」
話時話，個造型望落其實有少少似嘉玲姐。（網上圖片）
這次拍攝電影咁大犧牲，咁下一集又會想做咩角色？梁詠琪（Gigi）：「冇乜所謂，可以做返個靚女就得。唔好化妝化咁耐就得，因為真係好辛苦。每一日都好似噩夢開始咁，所以到拍完嘅時候就真係鬆一口氣。」
每日要用5小時化妝落妝又要5小時，咁咪唔使瞓？（林迅景 攝）