【另類劇透】《復仇者聯盟3》官方推新Emoji 預先知踢邊位出局？
撰文：陳穎思
出版：更新：
《復仇者聯盟3：無限之戰》其實不單「鷹眼」與「蟻俠」冇Emoji，其實終極大奸角「滅霸」都冇。
Marvel磨刀十年的終極大作《復仇者聯盟3：無限之戰》（Avengers: Infinity Wars）仲有3個月先有得睇，但宣傳攻勢就一浪接一浪，最近迪士尼推出《復仇者聯盟3》的全新角色Emoji系列，有齊22位超級英雄，相當大陣仗，不過細心一數，仲少咗兩位英雄先齊腳，究竟係邊兩個無份咁慘？
點圖放大睇真啲：
+8
冇錯！正是兩段《復仇者聯盟3》預告都冇鏡頭的「鷹眼」（Hawkeye）及「蟻俠」（Ant-man）。雖然兩個角色都在電影的角色名單中，但除了早前登上過劇組為雜誌《Vanity Fair》拍攝的封面照外，一直都無兩個角色的官方照片流出，而上月初「鷹眼」的扮演者謝洛美維納（Jeremy Renner）已證實殺青，究竟會否在《復仇者聯盟3》看到他還是未知之數。至於蟻俠理論上不會缺席，可能只是同《蟻俠2》撞期，所以未能參與太多拍攝，可能最後會以「客串」方式現身。
睇埋與上一代對比圖，清楚見到造型上的分別，例如美國隊長變鬍鬚Look（在上2），仲有雷神盲咗（左上4）。（網上圖片）
睇返今批Emoji，有不少新角色加入，例如「奇異博士」（Doctor Strange）、「幻視」（The Vision）、「紅女巫」（Scarlet Witch）及幾位「銀河守護隊」（Guardians of the Galaxy）成員等，其他角色都有更新造型，款款都相當可愛。
DC的《正義聯盟》都有出Emoji，但設計比較求其，明顯相形見拙。（網上圖片）