【金像獎2018】《貪狼》陳漢娜入圍最佳新演員:最想古仔攞影帝

撰文:
最後更新日期:

陳漢娜在《殺破狼.貪狼》做古天樂的女兒。(網上圖片)

《第37屆香港電影金像獎》的入圍名單已經出爐,五位得到提名「最佳新演員」的演員,其演出都讓人眼前一亮。而憑《殺破狼 ‧ 貪狼》入圍的女新人陳漢娜表示好驚喜,她回應傳媒指:「我有份去拍《殺破狼 ‧ 貪狼》、有份去做李穎芝呢個角色已經好幸運。最想多謝葉偉信導演,冇佢揀我呢這個角色,我根本冇機會入圍。今次我盡咗力演出,覺得提名已經好足夠,心滿意足,而我呢個角色發揮空間始終有限,所以冇信心攞獎。」

陳漢娜好想古天樂攞影帝。(網上圖片)

陳漢娜沒有信心得獎,源於對手太勁嗎?她否認:「一齊入圍嘅演員都係好演員,我唔會視佢哋為競爭對象,因為我覺得能夠幫到香港電影界出一分力都好開心,我好想之後一世都做電影!」講講吓,陳漢娜出口支持古天樂拎影帝:「其實邊個拎新演員都無所謂,反而我好想戲入面的父親古天樂可以拎到影帝,在片場係完全感受到佢的震攝力。最後,好開心《貪狼》有9個提名,自己能夠參與呢套戲演出已經足夠,我自己拎唔到獎唔緊要,古天樂拎到就最好,同埋拎埋最佳電影喇!」

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。