【捉妖記2】梁朝偉快問快答 過年鍾意食乜？最想做隻唔肥嘅妖
撰文：許育民
出版：更新：
今年有梁朝偉主演的《捉妖記2》同大家過新年，喜歡男神的朋友定必鼎力支持。而電影公司就為朝偉拍一條快問快答短片，到底朝偉會鍾意胡巴定笨笨多啲？如果有多張機票，佢又會請胡巴定笨笨去滑雪？
這個快問快答，一來就要偉仔表態，到底佢鍾意胡巴定笨笨？
梁朝偉︰「笨笨，因為我喜歡笨笨，覺得佢面懵心精。」
如果有機會做一隻妖，又想有咩特別技能的妖？
梁朝偉︰「唔肥嘅妖」相信呢個技能人人都擁有。
問到拍攝《捉妖記2》，成日要對住空氣演戲，有咩感覺？
梁朝偉︰「感覺自己好傻」
賀歲片最緊要係歡樂氣氛，咁偉仔鍾意拍喜劇、動作片定愛情片多？
梁朝偉︰「三種都鍾意」
自己最鍾意食咩賀年食品？
梁朝偉︰「蘿蔔糕」
如果有多張機票，你會請胡巴定笨笨去滑雪？
梁朝偉︰「胡巴，因為唔會食咁多嘢！」
偉仔雖然全程同空氣做戲，但同胡巴笨笨都有產生感情。