「影帝接班人」余文樂新婚派利市 倪晨曦出席時裝周巧遇忘拜年
撰文：羅偉強
出版：更新：
被各大導演評為「影帝接班人」的余文樂，剛於上年12月「封盤」，適逢婚後過年，當然要開始派利市啦！不過就有人錯失良機，即使見到樂仔都忘記向他拜年啦！
倪晨曦憑其出眾外表，近年有不少工作機會。
再見已是人夫，不過有利市逗都幾好！
IG女神倪晨曦（Elva）近日到達米蘭參加Tommy Hilfiger的fashion show，更再度撞上香港區代言人余文樂。見到新婚的樂仔，Elva就憶起上次在時裝周遇到樂仔時他也有帶女朋友出席，但時隔不久，女朋友已變成老婆了。「再見樂仔佢已為人夫，好替佢高興呀！成個人感覺穩重咗，果然係大個仔，不過我唔記得同佢拜年逗利市，祝佢幸福快樂，甜甜蜜蜜。」今年唔記得唯有等下年，年年都有機會！
而講到今次Tommy Hilfiger的fashion show，Elva就覺得很特別：「不論音樂定場地布置，今次個show 都畀人好有活力、動感同青春嘅感覺！特別係有名模Gigi Hadid crossover，注入咗好多新元素，一改形象！希望日後都有品牌會搵我crossover啦！」機遇處處有，只要Elva堅持，相信憑其出眾的氣質與外表，定然有這些屬於她的機會。