【大樂師】4家戲院周六加場 顏卓靈:部戲值幾多場就應該俾幾多

撰文:林穎嵐
出版:更新:

由鄭中基(Ronald)與顏卓靈(Cherry)主演的《大樂師.為愛配樂》,自3月1日上映以來,截至6日僅收46萬票房。據悉該片上映多日以來,平均每個戲院只放映一至兩場,直至較早前有網民反映場次太少後,4家戲院包括UA Mega Box、UA Cine Moko、星影匯及Festival Grand Cinema急急宣布將於本周六加開黃昏時段場次。

Cherry指導演相當用心製作《大樂師.為愛配樂》,值得更多的尊重。(劇照)

該片女主角顏卓靈(Cherry)得知加場消息後表示:「唔止有愈來愈多人支持我哋,仲愈來愈多人有好嘅評價,仲叫我哋加油,真係好感動,特別係噚日我哋去戲院謝票,嗰場係爆滿,好難得,坐喺第一排嗰啲觀眾,佢哋有啲係唔知我哋嚟謝票,佢哋都選擇坐第一行,比較辛苦咁去睇,我真係好多謝佢哋,仲有我知道有一個之前認識嘅台灣記者,佢特登放假飛過嚟香港睇,真係好感動……」

在《大樂師》上映一周以來,坊間評價其實中規中矩,對此Cherry感慨地說:「呢套戲當然有進步空間,但問心,部戲好有誠意,導演好花心思,我希望佢嘅命運可以好啲,希望呢個戲值得有幾長生命力,就可以得到幾多……香港電影嘅供求係互相㗎,俾心機做一個作品出嚟好希望有人睇,如果冇,我哋就再冇信心做好下一部作品,好希望大家俾多啲希望我哋呢啲,仲繼續喺香港做電影嘅人,俾我哋知道你哋係會為我哋努力做好作品而覺得驕傲。」她直言希望《大樂師》在戲院上映時間「可以走耐啲」,「依家好開心可以成功爭取到嚟緊呢個禮拜嘅周末加場,希望到時禮拜六日可以見到大家,我同導演都一定會嚟,希望可以爭取多少少時間分享。」

鄭中基近日為新片《救贖》在泰國進行拍攝,但他仍非常關心《大樂師》排片一事。(《大樂師》劇照)

【大樂師.專訪】顏卓靈苦練3星期學識彈琴 導演馮志強呼風喚雨

 

這部由田啟文(田雞)監製、馮志強執導,並由八屆最佳原創電影音樂得主金培達擔任音樂創作的香港電影,由本月初上映以來每家上映院線只放映一至兩場,而且時間上亦非熱門時段,多為下午場次或最後一場,場次相當凋零;而在該片上映一星期後,今日(7日)全港戲院更只剩餘3場,包括UA Megabox 17:40、筲箕灣L Cinema 09:15及15:40場次,不少人網民均表示,因場次太少而無法入場欣賞,引起傳媒近日廣泛報導,更令大眾對院線排片準則的關注,直至今日較早前,當中4家院線才宣布將於本周六加開黃昏時段場次,包括Festival Grand Cinema 17:30、星影匯 15:55、UA Mega Box 14:45及UA Cine Moko 19:30,網民總算成功爭取。

4家院線宣布本周六加開黃昏場次 。

據悉本地多家上映戲院原訂由本周起不再放映《大樂師》,但經過雙方溝通後,終獲4家院線加開場次,有傳院線之所以讓步,全因女主角顏卓靈(Cherry)與導演馮志強承諾出席多場謝票場,但截稿前仍未獲得該4家院線回覆。

顏卓靈(中)、黑仔姜皓文(左)和導演馮志強上周曾出席多場謝票場。