【金像獎2018】任賢齊睇好古天樂稱帝：《貪狼》認屍一幕演得好好
撰文：鄺鈺瑩
出版：更新：
任賢齊（小齊）、林家棟及姜皓文等於尖沙咀出席「電影工作者總會春茗」，去年3位齊齊以《樹大招風》一齊入圍金像獎，其中小齊與家棟更齊齊角逐影帝，最終家棟成功跑出。話咁快又一年，小齊接受訪問時都話又係時候聚聚。
又一年電影工作者總會春茗，小齊笑言似大家庭聚會。（黃國立 攝）
這個電影工作者總會春茗，就似金像獎前大家聚一聚的盛會。任賢齊︰「每年都係個好機會讓大家見面，好似大家庭聚會咁。」雖然小齊未有入圍今屆金像獎，但被問到今年看好邊個可以做影帝，小齊二話不說，首推古天樂。「我都有睇《殺破狼 ‧ 貪狼》，真係做得好好，佢見到個屍袋嗰幕，情感上處理得好好，個人來說想佢贏。」小齊又提到之前跟古天樂合作時，他會特意找一些專業人士去幫助自己，研究角色。「見到佢咁努力，所以真係希望佢會得到。」
認屍一幕，小齊俾足like。（劇照）