【亞洲電影大獎2018】郭子健撐《貪狼》實有獎 文詠珊頒獎驚蝦碌
撰文：羅偉強
出版：更新：
第12屆亞洲電影大獎今天（3月17日）於澳門威尼斯人舉行，於下午4時半左右一眾獲提名的電影人與嘉賓開始陸續踏上紅地毯，當中包括負責頒獎的郭子健導演與鄭思傑導演。
《殺破狼．貪狼》上映後，奪獎呼聲非常高！幾位香港導演都表示支持！（梁碧玲攝）
郭導演上年也有套非常好的動作片《悟空傳》，撐港產動作片也是自然的事，對古天樂的貪狼大表支持。（梁碧玲攝）
今年亞洲電影大獎《明月幾時有》、《殺破狼．貪狼》、《黃金花》等，幾套港產片都分別入圍了不少獎項。其中《貪狼》入圍最佳男主角、最佳動作電影兩項大獎，郭子健與鄭思傑兩位導演均口風一致地表示撐《貪狼》得獎。
鄭導認為：「《貪狼》係近年少有打得咁勁嘅電影，而且古天樂亦打得非常好！」而郭子健導演更指：「唔畀《貪狼》我都唔知畀邊套？特別係葉偉信導演拍得又好，又有意義！」連頒獎嘉賓都如此說，看來今晚《貪狼》機會都好大。
而今晚兩位導演會聯同香港女神JaniceMan（文詠珊）一起為大會頒獎，導演們就表示：「演員反應未必有導演、編劇咁快，所以到時即時爆肚佢未必接到。」而以一襲白色晚裝出席活動的JM就自言自己反應真的不快：「真係有稿都冇用，Derek（郭子健）每次都會玩嘢。」或許到時JM可以用招牌甜笑帶過兩位導演的「攻擊」吧！
Janice Man以一襲高貴而不失性感白裙現身，非常美麗！（梁碧玲攝）