【香港國際電影節】古天樂賀黎明做爸爸︰請飲我去但唔保證唱歌

撰文:
最後更新日期:

第四十二屆香港國際電影節(The 42nd Hong Kong International Film Festival)今日在灣仔會議展覽中心正式揭幕,今年的電影節大使古天樂及田中麗奈都有出席。

古天樂笑言「我真係恭喜佢(黎明)!」(陳順禎 攝)

剛於香港電影導演會頒獎禮及「亞洲電影大獎」中,憑《殺破狼·貪狼》成為雙料影帝的古天樂,今年及來年將有多部大作推出,包括《真 ‧ 三國無双》及《尋秦記》等,「其實依家最重要都係搞好香港電影,我哋都知道要做大膽嘅戲價值不菲,但我哋始終都要嘗試。」不過古仔作為新一代香港電影「大亨」,他亦表示未來亦會多製作低成本電影,認為香港電影需要百花齊放。

四大天王之一的黎明,剛在個人社交網站宣布榮陞老竇,古仔說:「我真係恭喜佢啊!但我真係同佢唔熟。」(咁如果佢請飲你去唔去?)「佢請緊係去啦(咁唱唔唱歌?)我唔保證會唱。(習慣俾人叫上台未?)唔習慣啊,求下你哋唔好叫我啦。」

田中麗奈久別香港多時,最懷念港式早餐。(陳順禎 攝)

另一位有份出席今日開幕禮的,是日本女星田中麗奈,她笑言上次來港已經是10年前,當時是與朋友來旅遊,非常喜歡在香港吃中國菜及港式早餐,昨晚才抵港的她苦笑地說:「我昨晚才到港,後日就要走,應該冇機會行街食下嘢啦。」

+5
+5
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。