《風林火山》籌備5年終拍攝完成 麥浚龍：有望明年上映
撰文：鄺鈺瑩
出版：更新：
麥浚龍（Juno）今日以監製、導演身份出席「邵氏兄弟發布會」，他在台上發表感言時，指電影的創作、製作或後期、對他來說像是孕育而非一個程式。「在創作，我時對自己特別嚴格，所以我最大的敵人是自己，但好多謝大家畀機會我拍呢部寫了5年的《風林火山》。」
麥浚龍表示《風林火山》有望明年上映。（梁碧玲攝）
提到這部集梁家輝、劉青雲、高圓圓等人的高成本作品，Juno在接受訪問時透露已完成拍攝，並開始做後期製作，預計最快明年上映。「都唔係慢，因為寫了5年，拍了1年，剛剛才拍完 ，依家開始剪接同做後期，後期係需要多點時間。」《風》片巨星雲集，問到檔期方面可會特別難遷就，Juno表示這方面的問題反而不大，因為大家都知道故事的發展，以及角色之間的穿插，所以十分順暢，唯一的難題是天氣。「拍攝時間好長，由最熱的夏天拍到零下25度的嚴寒 ，單是溫差已有50度，所以不論是台前或幕後，都經歷了一個好奇妙的旅程 ，辛苦是固然，但也很少有這類電影可以結集這麼多人 ，而大家都是一樣的投入，拍攝過程係開心，好難得。」
大製作有無超支呢？Juno就只係話「又唔可以咁講」。（梁碧玲攝）
至於有否因種種原因而超支呢？Juno就未有正面回應，並以戲中其中一場以「落雪」戲為例子。「因為天氣影響，時間上的改動一定會有，就好似其中一場要等落雪，真係得個等，但開心係每一個單位都願意一齊等。」Juno指《風》片是他第二次執導 、第三次寫劇本的作品，所以在後期製作方面向來都跟得好貼。「可能是因為我有份創作、製作，所以每個崗位都好緊張 ，一定會全身投入。」