【廉政風雲】林嘉欣劉青雲演夫妻易溝通:我同佢都係怪人

撰文:
最後更新日期:

林嘉欣幾時都咁靚。(林迅景攝)

林嘉欣在2010年結婚誕下女兒之後就鮮少參與電影演出。雖然如此,但是有林嘉欣參演的電影均是甚有水準,2015年與影帝張家輝合作《陀地驅魔人》口碑更非常不俗。劇知林嘉欣將會與劉青雲張家輝合作拍攝新戲《廉政風雲》,真係令人期待。

林嘉欣喺《廉政風雲》入面會同劉青雲做夫妻。(林迅景攝)

今日林嘉欣出席中環LV活動時提到這次合作是受到導演麥兆輝的邀請。林嘉欣:「麥兆輝搵我嘅時候,就話我同青雲比較多感情戲,所以就話我哋要多啲溝通。(點溝通?)我哋都ok㗎,可能我哋都係怪人啦,2個都怪怪地。我自己覺得我自己唔係好正常,佢都唔係好正常,所以我哋都啱傾計㗎。」

林嘉欣話劉青雲係「怪」人。(林迅景攝)

問到劉青雲有甚麼「怪」時,林嘉欣説:「我覺得好嘅演員唔需要正常,亦唔都需要顧及人哋覺得你正唔正常。譬如青雲咁好戲,係因為佢好鍾意觀察。佢唔係一個多說話嘅人,但係佢觀察力好好。之前咪喺filmart有記招嘅,咪有個台推出嚟會噴煙嘅。原來係有個人匿埋係入面,好好笑因為裏面好細,但係入面個人好大隻。嗰時好多鏡頭,咁青雲見到第一句就話:『你喺度做咩吖?』哈哈。呢個係一個好奇心嚟㗎,佢冇麻木到自己。所以點解我話劉青雲係有趣,係怪嘅,但係佢亦係一個好演員。」

原來個台入面匿埋個大隻佬放煙。(林迅景攝)

至於問林嘉欣她有甚麼「怪」,她就說:「我自己?我都唔知,呢個要問我先生先得。哈哈,佢比我清楚好多。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。