【復仇者3】影迷塞爆戲院網站搶唔到首日飛 原來又關五月天事！
撰文：陳穎思
出版：更新：
黃子華棟篤笑？買唔到飛；張敬軒演唱會？又買唔到飛；五月天演唱會？再買唔到飛，香港人最近跌入「買唔到飛放題」，連下月上映的Marvel超級英雄電影《復仇者聯盟3：無限之戰》（Avengers Infinity War，下稱《復仇者3》）都出現搶唔到飛情況！香港人有冇咁命苦呀？
原來五月天嘅威力仲勁過滅霸！
今晨戲院網站開放預售《復仇者3》的門票，不少影迷想盡快入場欣賞，當中大部分以iMAX飛為目標，結果未到早上11點官方開賣時間，戲院網站已出現搶飛者最害怕見到的數字「404」（即網頁無法進入），就算入得到又無法登入，登入了又無法揀位，揀到位又無法付款，仲隨時打回原形由第一步重新開始，好比「死亡無限LOOP」的買唔到飛輪迴。
【復仇者聯盟3】全新寶石版海報見街 導演竟然用惡搞鷹眼版贈興【復仇者3預告分析】從周邊產品解構彩蛋 成員神秘身份終曝光
網民留言話10點幾已上唔到戲院網站，又叫人唔好買黃牛飛，仲話同五月天賣飛撞時間好麻煩。（網上圖片）
網民感嘆買戲飛同買演唱會飛一樣難，寧願遲啲先睇。（網上圖片）
但原來買唔到《復仇者3》飛的確與五月天演唱會有關，事關但凡想幫襯UA戲院的觀眾，都有入唔到戲院網站買飛的情況出現。記者嘗試過到其他院線的網站購買《復仇者3》戲票就完全暢通無阻，原來UA戲院使用Cityline的售票系統，而今天負責開賣五月天演唱會門票的亦是Cityline，結果就撞到應一應。
所以各位觀眾不用擔心，當五月天的演唱會飛被搶購一空，UA戲院的售票系統亦會回復正常，而且就算網上買唔到，親身去戲院買又得，或者選擇其他戲院亦得，得咗！