【金像獎2018】毛舜筠首獲影后 渴望與「兒子」凌文龍合作喜劇

撰文:
最後更新日期:

金獎像昨日就已經新鮮出爐影帝影后花落誰家,男主角由古天樂奪得,女主角就由毛舜筠奪得,二人同樣都係首奪呢個獎項,至於在慶功宴當中MO姐都有出席到現場,佢表示到而家心情仲未能夠平伏:「其實真係冇預過自己能夠得獎,而家唔識形容呢種心情,患得患失嘅感覺,之後真係得咗,太興奮啦。」

對於MO姐能夠奪得影后,相信大家都唔會意外,但對於佢本人嚟講就十分意外,因為MO姐原本已經買定機票去日本同好友散心:「而家會同係好友去慶功旅行後,再返嚟煮七日七夜大餐比有份幫助我,有份投我一票嘅朋友比佢地食餐好,因為大家都知道我係一個藍帶廚師,菜式方面係法國菜,因為我讀藍帶嘅時候係學法國菜。」

毛舜筠對自己得獎感到意外。

講到自己喺戲入面飾演佢仔仔嘅凌文龍,於金獎像奪得最佳新演員獎項,MO姐在台下見到都非常開心,更表示未試過見到人地拎獎自己都想喊。對於會唔會想拍續集,MO姐講到:「已經同導演講咗,但今次想同佢合作演喜劇,因為有留意文龍佢演舞台劇方面好有POWER,所以覺得佢好適合演喜劇。」

 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。