【復仇者聯盟3】美國開畫破Marvel電影紀錄 但史上都只排第四?

撰文:
最後更新日期:

《復仇者聯盟3︰無限之戰》上星期期於美國都正式上畫,香港首日票房都以$1,037萬大破史上開畫紀錄。香港都咁勁,去番自己地頭美國,係咪又有好消息呢?

係有嘅!《復仇者聯盟3︰無限之戰》全美開畫日就錄得$3,900萬美金(約3億港幣),輕易打破上集《復仇者聯盟2︰奧創紀元》,不過叫人感意外係,呢個數拼落美國開畫票房計,原來只排第四,到底前三名係咩咁勁。

其實講咁耐,今集主角都係魁隆Thanos。

以數字計,《復仇者3》其實表現好好,$3,900萬美金更加係Marvel Cinematic Universe系列電影的高峰,不過當人人期待它可以為美國周四開畫日票房,再闖新高時,原來高峰早已在前面,仲有3個咁多。佢哋分別係排第三的《哈利波特-死神的聖物2》 (Harry Potter and the Deathly Hallows Part 2) 收$4,350萬美金(約$3.3億港幣)。

《哈利波特-死神的聖物2》至今仍是美國開畫票房第三。

至於頭兩位,就被《星球大戰》獨佔,分別係《星球大戰︰最後的絕地武士》(Star Wars: The Last Jedi),收$4,500萬美金(約$3.4億),至於冠軍就係《星球大戰︰原力覺醒》(Star Wars: The Force Awakens),收$5,700萬美金(約$4.4億港幣),都差一大截。雖則人人都話今集《復仇者》背起粉絲10年來的感情,不過《星球大戰》有成40年,心服口服啦!

《原力覺醒》跟第一集相隔38年,真係幾代人的回憶。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。