【貪狼】林家棟苦練泰文失獎冇不快 「你勤力唔代表人哋唔努力」

撰文:
最後更新日期:

日前《殺破狼‧貪狼》舉行金像獎慶功,慶祝電影在各大小頒獎禮上勇奪10個獎項,包括金像獎最佳男主角、最佳動作設計及最佳音響效果。一眾台前幕後都有出席,包括有份提名男配角的林家棟。他為角色苦練一口流利泰文,可惜最終敗於大熱姜皓文手上,家棟表示沒不快︰「你勤力啫,唔代表人哋唔努力!」

對於姜皓文贏得最佳男配角,家棟也替對方開心。

回想當日提名時,家棟坦言好開心,亦享受這個過程。「近年出席金像獎的次數都多,證明大家開始接受我,這一點已經不容易,都要感恩。」在《貪狼》入面,家棟為角色苦練泰文,逼自己講得流利,對於未能憑此得獎,家棟都不介意。「你話你勤力啫,唔代表人哋唔努力,所以最終邊個贏都開心。」

慶功翌日,家棟便啟程到澳門拍攝新戲,故事講飾演警察的他,如何累死一個被派往做臥底的夥伴,往後要如何去用盡方法救贖自己。除了有工開,家棟亦不斷為自己監製的工作努力,更笑言出埠工作最好,可以匿在酒店搞埋個劇本,「我做監製,劇本閒閒地都搞3年,因為我覺得劇本唔好,講乜都嘥氣,錢係其次,出來拍得肉酸自己難睇」。所以出埠期間,家棟會足不出酒店,叫同事買飯上來,好似坐監一樣執好個劇本:「最緊要有大白兔糖陪我,我已經好享受」。

家棟一直都在演員及監製兩邊走,就算出埠拍戲都會帶定劇本去修改。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。