【香港藝術發展獎】黃進奪「藝術家年獎」：杜琪峯係我嘅「伯樂」
撰文：林迅景
出版：更新：
杜琪峯任黃進的頒獎嘉賓。（林迅景攝）
鮮浪潮自13年前（2005年）由當時藝發局電影及媒體藝術組主席杜琪峯導演發起之後，一直培育出不少出色的年輕電影創作人，其中比較為人所熟悉的說是憑著《一念無明》而奪得「第36屆香港電影金像獎新晉導演」的黃進。昨日，黃進更得到「香港藝術發展局」頒發的「藝術家年獎－電影」的獎項。巧合的是，同場杜琪峯導演也獲頒「傑出藝術貢獻獎」殊榮，又同是頒發獎項給黃進的頒獎嘉賓。
同日杜琪峯亦得到「傑出藝術貢獻獎」。（林迅景攝）
黃進接受《香港01》訪問說：「當然係開心啦，尤其是係喺杜生手上拎到呢個獎，其實呢個獎好大。呢個係好專注喺藝術同創作方面。雖然同金像獎好唔同，但都係一個好重要嘅獎，有好多我好敬重嘅藝術家都拎到呢個獎。收到通知我得到呢個獎嘅時候，其實都幾驚訝，因為我呢個年齡通常都係攞新秀，所以我都有啲受寵若驚。同時都提醒自己要再好啲，因為大家咁睇得起我，真係將我哋做咗嘅嘢擺喺心入面。」
黃進真係好犀利吖。（林迅景攝）
黃進：「其實同杜生都識咗好幾年，喺銀河映像合作過一段日子，主要係跟游乃海，不過久唔久都會見到杜生。銀河映像，尤其對是男仔，我呢一代嘅做電影嘅人，冇乜邊個男性唔係鍾意銀河映像，唔鍾意杜生。佢哋都係港產片嘅營養。所以杜生頒獎俾我，我真係好開心。（對你嚟講杜生係神級偶像？）韋生杜生都係啦，對住佢哋2個真係無話可說。（杜生係你嘅『伯樂』？）絕對係啦，杜生嘅鮮浪潮係我哋呢一輩新電影人一個好重要嘅階梯。」
+5