姜大衛50年前迷人笑容合輯片爆紅:我又瘦又矮,係生得有性格

撰文:
最後更新日期:

現年70歲的姜大衛(John哥),近年較常在電視劇中看到他的身影,許多新一代都不知道,其實早在七十年代時,John哥是紅極一時的邵氏武俠片小生,與狄龍大哥經常合作,以迷人到極的笑容秘殺當年不少女心。

John哥1970年憑《報仇》成為香港首位榮獲「亞洲影展」最佳男主角殊榮的演員。(網上圖片)

早前有內地網友將John哥七十年代紅透半邊天的作品,混剪成一段精華,當中包括了其名作《報仇》、《叛逆》、《後生》、《小煞星》、《馬永貞》及《游俠兒》等。John哥早前接受訪問時笑言:「連我自己都搵唔返呢啲片段啦,好在後來有出VCD,仲有以前啲錄影帶咋!」他驚訝網友竟然可以找到如此多舊片段之餘,亦提及當年自己之所以有機會拍武俠片,全因張徹導演對他寵愛有加。

《報仇》中的John哥真係型到爆。(影片截圖)

相信大家都知道,大衛哥出身於演藝世家,其父親姜克琪、母親紅薇及繼父爾光都是演員,而他與其兄秦沛和同母異父的大導演弟弟爾冬陞都是影視圈中人。4歲已經開始演戲的他,曾經以童星身份在五十年代演出《馬路小童星》等電影,期後於1966年加入邵氏公司擔任龍虎舞師,隨即被著名武俠片導演張徹相中邀請他擔任演員。「張徹導演緊係好錫我啦,我個型只係特別,唔係話靚仔,係生得特別有性格,同以前嗰啲當紅小生唔一樣。」大衛哥指,以前武俠片最興盛的年代,流行用大隻仔男演員,「即係高高大大,好似《獨臂刀》王羽嗰種呢!我個型本身係平平無奇嗰種,所以當時一拍電影,外型上有轉變,觀眾就覺得好大差異囉。」

當年大衛哥同電眼王梁朝偉有幾分相似。(網上圖片)

年輕時的大衛哥笑容可鞠。(網上圖片)

John哥當年獲張徹導演賞識,邀請他擔任《游俠兒》男主角,成為他第一部主演電影。(網上圖片)

近日內地網友將大衛哥七十年代的經典角色混剪成片段,片中最常出現的就是他的招牌小酒窩微笑,「我當時拍過一部戲,導演話我唔笑得,只可以去到尾先笑一下;但又好奇怪,我第一部做男主角嘅戲《游俠兒》,張徹導演要我由頭笑到尾,到臨死前都要笑,我相信導演係有安排嘅。」不過,當提及網民大讚他的笑容迷人得「殺死人」,他隨即說:「邊有人讚自己迷人㗎!我絕對唔算靚仔啦!勉強啲講,我只係生得有性格,係上天賜俾我。(咁你覺得你同狄龍外型上分別屬於咩類型?)佢咁大隻,高高大大,我?咪又瘦又矮囉!咁我同佢緊係唔同,如果唔係都唔會捧晒兩個人啦。」

+6
+5
+4

《叛逆》中的John哥造型非常時髦,配搭其迷人笑容,真係襯到絕。(網上圖片)

出名謙虛的John哥,雖然現時仍演出不少電視劇,不過他自嘲造型設計上要「扮後生」,不如以往拍戲時的黃衫白褲型他look,「我依家呢個年紀,監製覺得我造型方面一定要係smart casual,俾人感覺係要心態年輕,但我個人就好老啦,我專登留個花白頭嘅,但衫就young look囉!」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。