【某日某月】湯怡首擔大旗緊張失眠 願著泳衣慶功:會怕無人睇

撰文:
最後更新日期:

電影《某日某月》即將上映,湯怡首次擔正女主角,在戲中飾演喜歡觀星的王子月,談到近日心情,湯怡表示:「近日都好緊張會失眠,琴晚4點幾都未訓著,搞到今朝早差啲唔知醒,感覺好似我家姐生仔咁,好似到預產期咁樣,好緊張,因為第一次做女主角,但我都好有信心嘅。」

兒時湯怡好喜歡游水(賴家杰攝)

電影講述在90年代初,子月與旭日(原島大地飾)當中雙方遇到很多挫折,並展開一段異地戀。明天就係首映禮,男女主角應該會孖住現身啦,點知湯怡就話:「原島大地因為喺日本仲要返學,所以聽日晚首映佢嚟唔到啦,就因為咁冇左佢係度,我覺得好唔完整。」

湯怡表示女仔白啲,較易吸引異性(賴家杰攝)

湯怡表示票房好會考慮穿著性感泳衣派福利,男士們有眼福啦,但佢又自嘲:「好驚呀會怕冇人睇,自己身材又唔係特別好,自己真係唔好獻醜嘛。」近日更分享兒時照片,相中湯怡皮膚黑黑?湯怡感慨說:「唉⋯簡直不堪回首,我以前好鍾意游水,踩單車,四圍走,好喜歡戶外,依加我都有跑步,我覺以前曬到黑……女仔白啲會好啲,一白遮三醜,更易吸引異性多啲嘅。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。