【Dumbo真人版】首條預告「黑媽媽」 小飛象勁神秘不見全相

撰文:
最後更新日期:

華特迪士尼的經典動畫《小飛象》(Dumbo),於1941年製作並發行成動畫電影。屬於第5部華特迪士尼的長片,地位超然。

電影自公布會拍成真人版,仲要係添布頓(Tim Burton)做導演,大家都滿心期待。早前電電影流出一張偷拍照,見到小飛象都算可愛。今日電影推出首條Teaser預告,不過依然充滿神秘感。

原著是被條大毛巾包住,真人版就禾稈冚真象。(影片截圖)

如果故事係依足原著,劇情都係會講述一隻長有超大耳象的Dumbo,與媽媽Jumbo一同生活在馬戲團生活,因為與生俱來的大耳朵成為眾人嘲笑的對象。媽媽曾為保護牠而被關閉隔離,而一次表演,Dumbo被逼發揮其潛能,用大耳仔當翼飛上天,從此成為馬戲團的大明星。

小朋友對Dumbo愛護有嘉,痛錫非常。(影片截圖)

在1分鐘多少少的Teaser片段入面,小飛象依然保持高度神秘感,就算有樣你睇都係閃現,想見佢全相都好難。至於識飛一幕,更加係快到無倫,截圖都截唔切。不過全片仲好多角色未見,好似媽媽Jumbo、老鼠朋友仔Timothy,仲有教識佢飛班烏鴉,呢啲可能要正式預告先有得睇。

同媽媽告別一幕,算係見得最清楚,不過太細粒。(影片截圖)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。