【兄弟班】溫拿樂隊事跡拍成電影 陳家樂竟然係佢嘅年輕版！
撰文：許育民
出版：更新：
溫拿樂隊（The Wynners）是華語樂壇其中一個傳奇，是華人社會最早期的殿堂級搖滾樂隊之一。誕生於70年代的溫拿，成員包括譚詠麟、鍾鎮濤、陳友、彭健新、葉智強。電影開拍以來，都期待會由哪幾位演員分演五虎，而當得知陳家樂有份參與時，你又估唔估爺爺要演邊位呢？
一班新演員，齊齊飾演溫拿五虎。
陳友自編自導
為紀念這份兄弟情，編導演集於一身的五虎之一陳友，在闊別電影界廿多年後，再次自編自導，將溫拿當年的甘與苦拍成這部《兄弟班》。電影算是一場新舊交替，老一輩演員有任達華、惠英紅、金燕玲、廖啟智、錢小豪等，至於五虎，就有陳家樂、林耀聲、鄧加樂、吳鶴謙及于湉，另加王梓軒飾演首代第6位成員阿叻陳百祥。
當年一班被指是廢青，最終在樂壇闖出名堂。
至於大家最想知的年輕版五虎，當你以為大家最熟悉的陳家樂，唔係演譚詠麟都應該鍾鎮濤時，點知全錯，阿倫是由新人鄧加樂飾，阿B就有于湉，陳友是吳鶴謙，至於阿強就由林耀聲主演，所以剩番的就係OK仔老竇彭健新，原來就係陳家樂飾演，唔知大家又有冇異議呢？