【大佬可以退貨嗎】女主角Yaya人生勝利組 又靚又叻男友勁靚仔
撰文：陳穎思
出版：更新：
泰國新片《大佬可以退貨嗎》講述兩兄妹表面上雖然水火不容，但原來手足情深，長年累月狗咬狗骨背後，埋藏著切肉不離皮的兄妹情，結尾大反轉令觀眾感動流淚。
飾演廢柴哥哥的Sunny是泰國影帝，但扮演妹妹的Yaya來頭仲勁，未夠20歲便拿下影后殊榮，考入泰國第一學府，仲同靚仔拍檔Nadech Kugimiya撻著組成金童玉女，名副其實人生勝利組。
Yaya是少數不賣性感的泰國女星，露腰及露背已是極限。
入行當演員前，14歲的Yaya逛街時被經紀人發掘成為模特兒，後來被泰國電視台Channel 3睇中簽下成為旗下藝員，甫出道便演女主角，2010年憑劇集《築夢莊園》系列一炮而紅，與Nadech Kugimiya成為最受歡迎的螢幕情侶，翌年播出的《愛與罰》將二人的人氣推至高峰。Yaya與Nadech後來更發展成真‧情侶，戲裡戲外都咁Sweet。
Yaya男友Nadech係泰國男神級影帝，同Yaya襯到不得了。
Yaya與Nadech經常以情侶檔姿態合作，寓工作於拍拖。
而Yaya憑《愛與罰》首次獲得影后殊榮，往後可謂攞獎攞到手軟，出道短短數年便榮升泰國劇界一姐。既然已雄霸視界，去年Yaya決定踩入影圈，接拍首部大銀幕作品《大佬可以退貨嗎》，今年仲有另一套電影上映，被喻為泰版《新白娘子傳奇》的《Nakee》，而男主角又係Nadech。
點擊下圖睇埋其他Yaya靚相
+6
雖然Yaya已出道10年，但她今年只是25歲，1993年在泰國芭堤雅出生，是挪威與泰國混血兒，五官精緻配173cm的高䠷身材，天生一副明星相。Yaya自小便學習小提琴、鋼琴及騎馬，亦熱愛足球、籃球、游泳及射撃等運動，甚至精於畫畫，相當多才多藝。
Yaya（右）成為LV寵兒，獲邀到巴黎睇品牌時裝騷，同場仲有楊丞琳及韓團EXO成員吳世勛。（視覺中國）
雖然工作繁忙，但Yaya沒有荒廢學業，仲考入泰國最著名學府朱拉隆功大學，主修語言及文學，她本身亦精通泰文、英文、挪威文、法文及西班牙文。又高又靚又叻又演技好，難怪Yaya獲國際級品牌相中，成為首位泰國女星獲邀成「LV之友」，並於美國著名時裝雜誌《Vogue》接受訪問，衝出國際！
【大佬可以退貨嗎．影評】親情冇得退貨要硬食？兄妹角力刻畫入肉【大佬可以退貨嗎．專訪】導演從小受香港影響 最難忘是TVB劇【專訪】泰男神Sunny難忘《無間道》 仲識唱：是誰～在敲打我窗【大佬可以退貨嗎】泰國影帝Sunny來港 行街會諗起《古惑仔》【大佬可以退貨嗎】雲集泰國天后影帝 Nichkhun讚女主係「天使」