【犯罪現場】張繼聰臉上有傷接受訪問 頹爆警察夾埋鸚鵡一齊飆戲
撰文：翁漢瓏
出版：更新：
張繼聰將在戲內化身頹廢警察，飾演一個當差十幾年嘅重案探員。（黃國立 攝）
《大樂師．為愛配樂》的執導兼編劇馮志強導演新作《犯罪現場》已經進入拍攝階段，主演之一的張繼聰將在戲內扮演一個警察：「我今次係做一個當差十幾年既重案便衣，佢係一個鬥志已經被磨滅晒，每日都返工等放工，神神化化嘅警察。」不過張繼聰即使化身頹廢警察，卻依然非常有愛心：「雖然呢個警察平時返工好Hea，但係又會成日去照顧啲流浪嘅貓貓狗狗。」
訪問當日張繼聰臉上帶傷，細看之下原來是化妝師的手筆，他透露：「今日拍攝第一次撞到疑匪，當一個冇上進心既警察遇到最凶狠嘅罪犯，自然就俾佢哋打咗一身。」
訪問當日張繼聰臉上帶傷，細看之下才發現是化妝師的手筆。（黃國立攝）
這次電影最有話題性的元素，莫過於張繼聰和一隻鸚鵡要拍住上演對手戲，鸚鵡在電影劇情之中是「唯一目擊證人」。拍攝過程亦十分有趣，張繼聰說：「隻鸚鵡自己有文替（身）武替（身），佢哋都好乖好合作，又好捱得，即使拍攝現場好熱都頂到。我自己本身係鍾意貓狗嗰類人，今次因為拍戲接觸到雀鳥，尤其是對鸚鵡了解多咗，都發現到好多可愛之處。」
提及動物，原來張繼聰戲裏戲外對小動物都一樣有愛心：「我現實中都有領養一隻狗女，佢好溫柔好乖，希望大家都可以領養代替購買。」
這次電影劇情張繼聰要和一隻鸚鵡要拍住上演對手戲，情景想必非常可愛。（黃國立攝）