【高凶浩劫】Do姐對Benedict熱情過The Rock? 原來係美麗誤會

撰文:
最後更新日期:

荷里活動作巨星「The Rock」狄維莊遜(Dwayne Johnson)為宣傳新戲《高凶浩劫》(Skyscraper)連日來到港進行密集式宣傳。而今日,他就來到沙田新城市廣場出席粉絲見面會。且再度請得金牌司儀鄭裕玲Do Do姐作主持。

唔係個個都有功力可以hold住大場面,Do姐就游刃有餘啦!(黃國立攝)

近日有不少網民討論今次Do姐見到The Rock遠比不上之前另一荷里活巨星班尼狄甘巴貝治(Benedict Cumberbatch)到港時熱情。Do姐就澄清原來上次班尼狄到港時,她的濃濃熱情原來是意外之情:「當時其實係benedict整跌支咪,我幫佢撿起。點知就被報館影到,冇話特別熱情。其實我個個都鍾意!」

這一撿咪撿出國際,Do姐就指自己沒有特別鍾愛Benedict。(網上圖片)

本身就是香港大明星的Do姐多年來閱星無數,問到Do姐覺得The Rock跟其他大星有何分別,她就說:「佢好大隻,同埋所有我接觸過嘅巨星都非常友善,完全冇架子。除此之外,我發現佢雖然咁大隻,但塊面都好細,可能就係咁特別上鏡。」一身橫練身型,不免令某些部位看起來比較細,但都無礙The Rock展現型爆魅力。近年荷里活巨星訪港都總是由Do姐做主持,作為「荷里活親善大使」,Do姐有沒有那個明星是特別想見呢?「我自己都鍾意同成日睇戲,只要演技好嘅演員,我都會想同佢哋傾計。」Do姐英語本為流利,說話又高貴大方,睇怕未來她都是擔任這個重要位置的不二之選。

Do姐竟然覺得大大隻的The Rock某部分「細」?(黃國立攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。