【神臂大叔】馬東石谷住隻大手臂　用廣東話同香港觀眾講︰我愛你

由韓國大隻型男馬東石主演的《神臂大叔》即將上映，雖然佢真人嚟唔到香港，但都特別拍條片同香港觀眾Say Hello。平時見佢一臉Man爆表情，觀眾一直都覺得佢cool爆，但今次套戲就會表現出幽默一面。

其實馬東石真人超級溫柔風趣，在韓國更有「馬可愛」之稱。為了宣傳自己新作，仲特別拍了短片呼籲香港fans入場支持，向大家講「我愛你」，又學廣東話讀出片名《神臂大叔》，非常搞笑。據知他拍攝《神臂大叔》時，更特別增磅6公斤，又將手臂練粗一倍達到21吋，去配合Mark這個拗手瓜選手的角色！而在最新發佈的電影製作特輯中，馬東石在片場休息時仍努力操肌，拍攝時的極重啞鈴，更加係真啞鈴而非道具，呢位大叔唔講得笑。