【非同凡響】與葉童演母女壓力大 余香凝：佢會刻意唔同我講嘢
撰文：吳子生
出版：更新：
第二屆香港兒童電影節今日在尖沙咀舉行盛大開幕禮，開幕電影《非同凡響》的台前幕後聚首一堂，出席嘉賓有谷祖琳、余香凝、岑珈其、葉童、廖子妤等人。
余香凝表示觀眾看完這部電影後，應該會反思做人的意義（吳子生攝）
余香凝拍電影《骨妹》而與廖子妤成為好姊妹，今次兩人再次碰頭，在《非同凡響》中大鬥演技。廖子妤在戲中飾演一名中度智障人士，直言演技差一點也不行。「我接套戲嘅時候，都知道少戲分，但好鍾意呢套戲嘅題材，我哋身邊睇唔到會發生嘅事，其實係我哋身邊嘅弱勢社群，都需要我哋去關心，好多謝劇組安排我去特殊學校度，同啲同學仔上堂，觀察佢哋動態呀，模仿佢哋一啲細微嘅動作，會係演戲嘅時候會得到一啲啟發。」
廖子妤在《非》中飾演一名中度智障人士（吳子生攝）
余香凝：葉童行一行出嚟已經有氣勢！
余香凝在電影《非》中與葉童飾演母女，問到跟「母親」演對手戲會好大壓力？「其實當然有壓力，但係導演選擇嘅時候，葉童小姐嘅氣場本身做呢個角色非常適合，因為佢會做一個怪獸家長類型嘅媽媽，咁其實佢行一行出嚟嗰種氣勢，已令你有幾分敬畏之心，咁佢平時都好Nice嘅，會同我傾計叫我放鬆啲啊，都會教我做戲呀，但到一啲特別嘅場口，例如一陣佢要鬧我呀，要我喊戲啊，佢會刻意唔會同我講嘢，到一拍嘅時候就會好容易有嗰種感覺出到嚟。」
葉童在《非同凡響》飾演余香凝（圖中）的母親，「女兒」直言演對手戲時壓力大。（吳子生攝）