【跟著宜家衣櫃去旅行】窮遊巴黎靠IKEA? 對亡母履行的承諾

撰文:許育民
出版:更新:

咩係窮遊,即係明明無錢,但又想去旅行,於是用最平嘅方法成行。電影《跟著宜家衣櫃去旅行》就係講一位印度年輕人,帶住100歐羅去到巴黎,為的唔係歎世界,而係完成母親遺願。

男主角自小就四出搵錢,街頭賣藝係其中一樣。(影片截圖)

雖然100歐羅都有近成千銀港紙,但唔好話去歐洲,去個長洲食大粒魚蛋、芒果燸米糍都忟水。其實呢位印度窮L阿賈,出發原來係為完成亡母遺願,於是就帶著母親骨灰及100歐羅飛到巴黎。由於窮,所以第一站就去到宜家傢俬,想借宿一宵。而在舖頭就遇上女神店員瑪莉,當晚就順道潛入衣櫃「屈蛇」。

旅行第一站就係去宜家傢俬,原來係當酒店。(影片截圖)

殊不知當晚,就連人帶櫃被運去英國,仲輾轉流落到西班牙、羅馬和利比亞,期間又巧遇巨星、黑幫同海盗,令他經歷一次奇蹟人生。男主角係印度男星丹努什,仲有《星光夢裡人》貝妮絲碧祖,以及《盜海狙擊》巴哈亞迪等演員。