【歐洲攻略】梁朝偉fb自拍洗版都唔知：我唔識上facebook

《歐洲攻略》昨日（１６日）舉行首映禮，距離第一集《東京攻略》已有１８年，５６歲梁朝偉表示在戲中大部份動作場面都會親自上陣，他說：「盡可能好多時候我都自己做番，但如果太危險或者太冇可能會交由替身....其實第一部都好多動作戲，第一部反而受傷多，呢一部反而還好，但受傷總會有少少嘅。」

早前偉仔在自己facebook發了張自拍照，引起fans好大反應，更希望他以後多玩社交網絡，但偉仔笑指有點難度，他說：「我盡量啦，我唔識上facebook，我唔係好high－tech嘅人，我電腦壞咗都唔知點整？（咁facebook直播未做唔到囉？）係呀，我真係唔識呀。」好明顯偉仔的facebook，是有專人打理，那唯有希望admin多點發相吧。