【逆流大叔】票房衝破600萬 吳鎮宇「預告」開續集《逆流大嬸》

撰文:
最後更新日期:

吳鎮宇、黃德斌、胡定欣今日(19日)為電影《逆流大叔》宣傳同時為龍舟比賽擔任嘉賓。吳鎮宇撐著拐杖現身,他笑言:「每隔五、六年就會來一次筋膜移位(有影響到日常生活?)他已經是我日常生活一部份沒影響,已經好好多可以休息一下。」

吳鎮宇、黃德斌、胡定欣今日(19日)為電影《逆流大叔》宣傳同時為龍舟比賽擔任嘉賓。(梁碧玲攝)

定欣今日首次接觸龍舟活動,現場更有專人指導她扒龍舟,鎮宇在旁笑言:「你要練習一下,之後搵你開拍《逆流大嬸 》。」定欣聽完鎮宇這樣講有少少不滿:「『逆齡』或者『妙齡』可唔可以?希望導演下次有關運動的電影都可以搵我。」定欣又指,今次拍完《逆流大叔》已深深被一眾男主角迷到,因為他們扒龍舟實在太過有型。

鎮宇笑言可以搵定欣拍續集,叫《逆流大嬸》。(梁碧玲攝)

講到票房突破600萬,鎮宇表示下星期古老闆(古天樂)會請食飯,「可能呢套戲係會發展比較港產片新嘅模式,啲人話冇港產片,我覺得呢一句說話一定唔得。只不過係因為我哋唔可以淨係關於香港嘅題材製作費唔高,所以我哋霸嘅戲院唔可以霸咁多。咁《逆流大叔》可能係開啟咗一個新模式,就係每條院線都係逐少逐少上,令到口碑可以燃點咗之後,就等多啲觀眾有機會去睇到我哋拍畀香港人睇嘅港產片,所以天下一都幾重視呢次市場嘅策略。」

提到票房過一千萬會唔會騷肌派福利?德斌同鎮宇都二話不説話過一千萬就會影相,鎮宇說:「喺屋企影畀你(記者),你幫我登!」。 提到吳鎮宇有無信心憑電影問鼎影帝?他謙虛的說:「個原因好悲哀,因為冇乜邊套戲可以再符合到香港電影金獎像提名嘅資格,咁解啫,唔關我事嘅大佬,係咪?冇乜嘢再提名,你要幾多個percent,而拍呢套戲係只係想拍個正能量運動題材,咁啱我想要嘅嘢再出嚟,我諗搞掂咗個票房先啦。嗰啲虛名嘅嘢就完咗件事先諗啦。」

有好多網民覺得鎮宇今次表現能夠問鼎視帝,鎮宇覺得虛名嘅事,之後再想。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。